Facebook компаниясининг фойда ва даромади 2017 йилнинг иккинчи чораги давомида сезиларли даражада ортди. Бу ҳақда компаниянинг ҳисоботига таяниб, «Газета.ru» хабар берди.
Ушбу давр мобайнида компаниянинг даромади 9,32 миллиард долларни ташкил этди. Бу ўтган йилнинг айнан шу даврига нисбатан 45 фоизга кўп демакдир. Шу билан бирга Facebook’нинг соф фойдаси 71 фоизга ортиб, 3,89 миллиард долларни ташкил этди.
Компаниянинг асосий даромад манбаи — рекламалар бўлиб, асосий «даромад»нинг 98,3 фоизини ташкил этади.
Бундан ташқари, жорий йилнинг иккинчи чорагида ижтимоий тармоқда рўйхатдан ўтган фойдаланувчилар сони 2 миллиардга етгани ҳақида Facebook асосчиси Марк Цукерберг маълум қилганди.
Изоҳ (0)