АҚШда эронлик математик аёл, Филдс мукофоти лауреати Марям Мирзахоний оламдан ўтди. Бу ҳақда Meduza хабар бермоқда.

Фото: Reuters

Мирзахоний 40 ёшда эди. 4 йил аввал унга кўкрак саратони ташхиси қўйилганди.

Олима 2014 йилда математика соҳасидаги Нобель мукофотига тенглаштириладиган ва 4 йилда бир бор тақдим этиладиган Филдс мукофоти билан тақдирланганди.

У «Риман юзаликлари динамикаси ва геометрияси, шунингдек, уларнинг модул ҳудуди» бўйича тадқиқотлари учун мазкур нуфузли мукофотга лойиқ кўрилган дунёдаги биринчи аёл ва илк Эрон вакили бўлганди.