Санкт-Петербург тоғ-кон университети ректори Владимир Литвиненко долларли миллиардерга айланди, деб ёзади Meduza. Россия президенти Владимир Путин 1997 йилда номзодлик диссертациясини айнан унинг раҳбарлиги остида ҳимоя қилган эди.
2017 йил 21 июль ҳолатига кўра, «Фосагро» компаниясининг Литвиненкога тегишли акциялар пакети нархи 59,9 миллиард рублга етган, бу эса 1 миллиард 10 миллион доллар демакдир.
2017 йил апрелида Ливиненко ўзининг «Фосагро»даги улушини 19,35 фоизга етказган. Ректор компаниядаги илк акцияларини «ЮКОС» иши бўйича кўрсатган кўмаги учун қўлга киритган.
Владимир Литвиненко кўп йиллар давомида Россия ОТМларининг энг кўп маош олувчи ректорлари рўйхатида етакчилик қилиб келмоқда. Масалан, 2016 йилда Литвиненко 195,5 миллион рубль даромади ҳақида декларация қилди.
Турли вақтларда Литвиненко ва унинг оиласига шпал ва ўғитлар ишлаб чиқарувчи, ёғочга ишлов берувчи фирмалар активлари тегишли бўлган. Бундан ташқари, хабарларга кўра, Литвиненко Санкт-Петербургда элита кўчмас мулкка эга.
Изоҳ (0)