Исроилнинг Аммандаги элчихонасига уюштирилган ҳужум натижасида икки иорданиялик ҳалок бўлди, деб ёзади «ТАСС».
Дастлаб, Аммандаги Исроил элчихонасида юз берган отишмада бир иорданиялик ҳалок бўлган, яна икки киши — бир исроиллик ва бир иорданиялик яраланган эди. Уларнинг барчаси касалхонага етказилган. Кейинроқ иккинчи иорданияликнинг вафоти ҳақида хабар берилди.
23 июль, якшанба куни Исроил элчихонасига 17 ёшли иорданиялик ўспирин кириб олиб, элчихона ходимларидан бирини кўкрагидан пичоқ билан яралади. Шундан сўнг ҳужум қилган шахс соқчилар томонидан отиб ташланди.
Изоҳ (0)