АҚШнинг Украина бўйича махсус вакили Украина шарқидаги аксилтеррорчилик операциялари ҳудудида бўлиб қайтгач, минтақадаги вазият музлатилган низо эмас, балки қизғин уруш босқичида эканлигини айтди, деб ёзади Forum Daily.
Ташрифи чоғида Курт Волкер минтақа ҳарбий-фуқаролик маъмурияти вакиллари, ҳарбийлар, шунингдек, Донбасснинг жабрланган фуқаролари билан учрашди.
«Мен ушбу ҳодисалар тафсилотлари билан танишиш учун бу ерга шахсан ўзим келдим. Айтишим мумкинки, бу даҳшатли фожиа, ахир биз Украина гуллаб-яшнаётган давлат эканлигини биламиз. Бининг асосий вазифамиз — Украина яхлитлиги ва суверенитетини қайта тиклаш. Менинг тушунишимча, бу музлатилган низо эмас, балки қизғин урушдир. Бунинг қиймати эса хавфли даражада баланд — инсонлар ҳаёти», — деди Волкер.
Курт Волкернинг сўзларига кўра, Донбассга ташрифидан сўнг у Европа мамлакатлари ҳукуматлари вакиллари билан қатор учрашувлар ўтказиб, АҚШ ва унинг иттифоқдошларининг Украина шарқидаги вазиятга нисбатан позицияларини бирлаштиришни режалаштирмоқда.
Изоҳ (0)