АҚШ президенти Дональд Трамп The New York Times газетасини Қўшма Штатларнинг ИШИД етакчиси Абу Бакр ал-Бағдодийни йўқ қилишга уринишини чиппакка чиқаришда айблади. Бу ҳақда «Корреспондент.net» хабар бермоқда.
«New York Times қовун туширди ва АҚШнинг яккаю-ягона энг қидирилувчи террорчи — ал-Бағдодийни ўлдириш ҳаракатини йўққа чиқарди. Уларнинг носоғлом кун тартиби миллий хавфсизликдан муҳимроқ», — деган ёзув қолдирди Трамп Twitter’даги саҳифасида.
The Hill нашри Трамп Fox News телеканалидаги кўрсатувдан сўнг шундай ёзув қолдирганини тахмин қилди.
Кўрсатувда 2015 йили АҚШ ал-Бағдодийни йўқ қилишга яқин тургани, бироқ газетада ОАВ учун мўлжалланмаган маълумотнинг чиқиб кетиши операцияга халақит бергани муҳокама этилганди. Телеэфирда эса бу пайт «NYT АҚШнинг ал-Бағдодийни йўқ қилишга уринишини чиппакка чиқарди» деган ёзув пайдо бўлди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)