Швецияда маҳаллий ўнг экстремистик ташкилотнинг Гетеборгдаги муҳожирларни қабул қилиш марказига ҳужум қилганликда айбланаётган икки аъзоси, гўёки, Россияга бориб, Украина шарқидаги низо доирасида жанговар тажрибага эга бўлган шахслар иштирокидаги «машғулотлар»да қатнашган. Бу ҳақда Buzzfeed Швеция судидан олган ҳужжатларга таяниб хабар берди, деб ёзади «Газета.ru».
Нашр маълумотларига кўра, тергов ҳужумни Швециянинг «Шимолий Европа қаршилик ҳаракати» экстремистик ташкилоти аъзолари уюштирган, деб ҳисоблайди.
Шу билан бирга, таъкидланишича, прокуратура унинг уч нафар иштирокчисига айбловлар эълон қилган, булар — 20 ёшли Антон Тулин, 50 ёшли Жимми Йоханссон ва ушбу ташкилотнинг Гетеборг ячейкаси етакчиси 23 ёшли Виктор Мелин.
Қайд этилишича, прокуратура маълумотларига кўра, Мелин ва Тулин Россияга 2016 йил кузида келиб, у ерда 11 кун бўлган, шу жумладан, «машғулотларни ўтаган».
Тергов, гўёки, икки гумонланувчи акс этган фотосурат скриншотига эга, у «ВКонтакте»да Санкт-Петербургдаги аллақандай ўнг радикал гуруҳлар машғулотлари дастурига бағишланган саҳифага жойланган.
Шунингдек, хабарларга кўра, полиция ҳужум қилганлардан бирининг уйидан қурол ва портловчи восита ҳақида рус тилида ёзилган маълумотларни мусодара қилган.
Изоҳ (0)