БМТ Хавфсизлик кенгаши 24 июль, душанба куни Қуддусдаги вазият бўйича навбатдан ташқари йиғилиш ўтказади. Бу ҳақда, халқаро ташкилот штаб-квартирасидаги манбага таяниб, «ТАСС» маълум қилди.
Манбага кўра, ёпиқ тартибдаги йиғилиш кенгашнинг Нью-Йорк вақти билан 10:00 да бошланадиган эрталабки сессиясидан сўнг бошланади. Унда Яқин Шарқдаги жараён махсус координатори Николай Младенов иштирок этади.
Қуддусдаги вазиятни юмшатиш чораларини муҳокама қилишга Хавфсизлик кенгаши аъзолари бўлган Миср, Франция ва Швеция даъват этди.
22 июль, жума куни Иордан дарёсининг Ғарбий қирғоғидаги Халамиш аҳоли пунктида уч нафар яҳудий ўлдирилди, бир нафдари жароҳат олди.
Ўтган ҳафта уч жангари Ибодатхона тоғида икки полициячини ўлдириб кетгани бу ҳудудда хавфсизлик чораларининг кучайтирилишига сабаб бўлди. Жумладан, Ибодатхона тоғига чиқиш учун металл аниқловчи ромлардан ўтиш талаб этилади. Бундан ташқари, элликка тўлмаган мусулмонларга ал-Ақсода намоз ўқиш тақиқланди.
Изоҳ (0)