Миср суди 2015 йили ўлдирилган мамлакат бош прокурори Ҳишам Баракатнинг ўлимига алоқадор деб топилган 28 кишини ўлим жазосига ҳукм қилди. Бу ҳақда «Газета.ru» хабар бермоқда.
Суд ушбу қарорни Миср олий муфтийси маъқуллаганидан сўнг қабул қилган. Қайд этишларича, ўлим жазоси бўйича қарор чиқаришдан аввал Миср судларининг муфтийга мурожаат қилиши расмий бир ҳолатдир.
Иш бўйича жавобгар 67 кишидан 15 нафари ҳали озодликда, қолганлари эса турли муддатга озодликдан маҳрум этилган. Айбланувчилар суд ҳукми устидан шикоят қилиши мумкин.
Мисрнинг собиқ бош прокурори Ҳишам Баракат бўлган автомобиль 2015 йил 29 июнида Қоҳирада портлатиб юборилган эди.
Изоҳ (0)