Пентагон раҳбари Жеймс Мэттис ИШИД террорчилик ташкилотининг етакчиси Абу Бакр ал-Бағдодий тахминларга кўра тирик эканлигини маълум қилди. Бу ҳақда Reuters агентлигига таяниб, «Газета.ru» хабар берди.
«Ўйлашимча, у тирик ва уни қачонки ўлдирсакгина бошқача ўйлашим мумкин. Бироқ ҳозирча биз уни қидирмоқдамиз… тахминимча, у тирик», — деди Мэттис.
Аввалроқ, Россия президентининг матбуот котиби Дмитрий Песков ИШИД раҳбарининг ўлими ҳақидаги хабарни тасдиқламаган эди.
16 июнь куни Россия Мудофаа вазирлиги ал-Бағдодий йўқ қилинган бўлиши мумкинлиги ҳақида хабар берганди. Бироқ идора ушбу маълумот турли манбалар орқали текширилаётганини маълум қилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)