АҚШ президенти Дональд Трамп Марказий разведка бошқармасининг Суриядаги мўтадил мухолифатни қуроллантириш ва ҳарбий тайёргарлик бўйича дастурини ёпишга қарор қилди. Бу ҳақда «Газета.ru» хабар бермоқда.
Мазкур дастур 2013 йилдан бери амалда бўлган ва АҚШ собиқ президенти Барак Обама томонидан Сурия раҳбари Башар Асадга босим ўтказиш учун қабул қилинганди. Россия 2015 йили Сурияга қўшинларини киритганидан сўнг унинг самарадорлиги шубҳа остига олинди.
The Washington Post манбаларига кўра, Трамп Сурия мухолифатига ёрдам беришни тўхтатиш ҳақидаги қарорни МРБ директори Майк Помпео ва миллий хавфсизлик бўйича ёрдамчиси Герберт Макмастер иштирокидаги Россия президенти Владимир Путин билан илк учрашуви арафасидаги маслаҳатлашувлардан сўнг қабул қилди.
У шу тариқа Москва билан Суриядаги сулҳ масаласида келишувга эришиш истагида эганлиги билдирилмоқда.
Изоҳ (0)