Филиппин президенти Родриго Дутертенинг 5 нафар қўриқчиси Миндано оролидаги Котабато провинциясида мамлакат Коммунистлар партияси қуролли отряди аъзолари эканлиги тахмин қилинган шахслар билан тўқнашувда жароҳат олди. Бу ҳақда «ТАСС» хабар бермоқда.
CNN Philippines телеканалига кўра, президент қўриқлаш хизматининг 10 нафар вакили бўлган икки автомобиль назорат-ўтказиш пунктларидан бирида аскарлар кийимидаги 50 нафар жангари томонидан тўхтатилди. Қўриқчилар қуролланган кишилар ҳарбий хизматчилар эмаслигини билганидан сўнг уларга қарата ўт очди.
Жангариларни ҳукумат қўшинлари таъқиб этмоқда. Ҳужум чоғи Дутерте минтақада бўлмагани билдирилмоқда.
Эслатиб ўтамиз, олдинроқ Филиппин президенти Минданао оролидаги ҳарбий ҳолатни узайтиришни сўраб, мамлакат Конгрессига мурожаат қилганди.
Изоҳ (0)