Тасаввур қилинг — ўртача олганда офис ходимини ҳар 3 дақиқада иш жараёнидан чалғитишади. Қайтадан диққатни тўплаш учун эса унга 25 дақиқа зарур бўлади. Албатта бизнинг ўзимиз ҳам кўплаб дистракт омилларни биламиз, лекин улардан қутулиш учун ҳеч қандай чора кўрмаймиз. Вазиятни ўзгартиришга ҳаракат қилиб кўрамиз!
Бунинг учун қуйидагилар керак бўлади:
Миянинг «иш режаси» бўйича ишлашни ўрганиш
Диққатни тўплаш қобилиятингиз сутканинг турли вақтларида турлича эканлигини ўзингиз ҳам сезган бўлсангиз керак. Кўпчилик учун энг сермаҳсул ва «диққат-эътиборли» давр соат 12:00 дан 16:00 гача бўлган вақт оралиғи, фаолликнинг кўпроқ ошиши эса тушдан кейин соат иккига тўғри келади.Мияга керакли диққат тўплашни «кўрсатиш»
Миямиз ўз тажрибалари асосида ўрганади. Бу, сиз зарарли фаолият билан қанча кўп шуғуллансангиз, уни давом эттиришингиз шунча осон ва ишга диққатингизни жалб қилиш эса қийинроқ бўлишини билдиради.Миянгизни машқ қилдиринг — имконият ва зарурат бўлганда, диққатингизни онгли равишда ишга қаратинг. Ҳар сафар, чалғиётганингизни сезганингизда иложи борича тезроқ диққатингизни тўплашга ҳаракат қилинг. Шундагина ақлингиз тўғри «рефлекслар»га эга бўлади.
Маълумотларни қайта ишлашда танаффус қилиш
Янги модадаги мультивазифалилик шароитида биз бир йўла иложи борича кўпроқ маълумотлар олишга ҳаракат қиламиз: браузер ичида ўнлаб илова (вкладка)ларни очамиз, хатлар, телефон қўнғироқлари ва хабарларга тўхтовсиз жавоб берамиз. Лекин бундай қизғин фаолият сифатли натижани умуман кафолатламайди.Диққатни жамлашга қийналётган бўлсангиз, бу оқимдан чиқиб олинг. Агар офисдан сизни ҳеч ким безовта қилмайдиган бирор жой топсангиз ва у ерда Wi-Fi ишламаса, ҳисоботларни тезроқ ёзишингиз осон бўлар эди.
Манба: «Anysports.tv»
Изоҳ (0)