ИШИД етакчиси Абу Бакр ал-Бағдодий қарорлар қабул қилиш ва жангариларни бошқаришда иштирок этмаяпти. Бу ҳақда 17 июль, душанба куни Пентагонда бўлиб ўтган брифингда АҚШ мудофаа вазирлиги вакили маълум қилди, дея хабар беради «ТАСС».
Вакилга кўра, «ал-Бағдодий на қарорлар қабул қилиш жараёнлари, на жангариларни бошқаришда иштирок этмоқда».
Эслатиб ўтамиз, олдинроқ Ироқ ИИВ разведка ва аксилтеррор операциялари хизмати директори Абу Али ал-Басрий ал-Бағдодий тирик эканлиги ва Сурияда яшириниб юргани, ўзининг ўлими ҳақидаги маълумотларни эса хавфсизлик мақсадида тарқатганини билдирганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)