АҚШнинг собиқ президенти 92 ёшли Жимми Картер 13 июль, пайшанба куни Канадада организмнинг сувсизланиши сабабли касалхонага ётқизилди. Бу ҳақда 39-президент ишида фаол қатнашадиган «Инсоният манзилгоҳи» халқаро хайрия жамғармасига таяниб, Fox News телекомпанияси маълум қилди, дея хабар беради «ТАСС».
АҚШни 1977-1981 йилларда бошқарган Картер турмуш ўртоғи Розалин билан бирга Канаданинг Манитоба провинциясидаги Виннипег шаҳрида уй қурилиши бўйича хайрия тадбирида қатнашаётганда жазирама туфайли ўзини нохуш ҳис этди. У эҳтиёт чораси сифатида яқин орадаги касалхонага етказилди.
«Президент Картер бизга ўзини энди яхши ҳис этаётганини маълум қилди. У касалхонага кузатув остида бўлиши учун етказилганди», — хабар берди хайрия ташкилоти вакили.
Собиқ давлат раҳбари мазкур ташкилотнинг мақсади кам таъминланган оилалар учун уй-жой қуриш бўлган лойиҳаларида умумий ҳисобда 34 маротаба иштирок этганди.
Изоҳ (0)