Россиялик ҳарбий мутахассислар Тожикистоннинг Дорбоз туманида Афғонистон билан чегарадаги Панж дарёси ўзанини тўсиб қўйган сел оқими оқибатларини бартараф этиш учун 100 килограммдан ортиқ тротил ва 50 дан ошиқ минадан фойдаланди. Бу ҳақда Марказий ҳарбий округ қўшинлари қўмондони ёрдамчиси Ярослав Рошчупкин маълум қилди, дея хабар беради «ТАСС».
«Марказий ҳарбий округ қўмондонлигига Тожикистон расмийлари ёрдам сўраб мурожаат қилди. Сел келиши туфайли тўсатдан табиий тўғон ҳосил бўлди ва сув сатҳи бир неча метрга кўтарилиб, мамлакат пойтахтини Помирда жойлашган минтақалар билан боғлайдиган Душанбе—Кўлоб—Хорог автойўлининг икки жойини сув босди», — таъкидлади Ярослав Рошчупкин.
Округ вакилига кўра, тротил қўллангани сув сатҳини пасайтириш имконини берди. Бу борадаги ишлар давом этмоқда.
Изоҳ (0)