Дубайда 1,5 млрд долларлик озиқ-овқат парки қурилади

Дубайда қиймати 1,5 миллиард долларга тенг бўлган озиқ-овқат мажмуасини қуриш бўйича лойиҳа ишга туширилди. Бу ҳақда UAE Inside хабар бермоқда.

Dubai Food Park номини олган мажмуа умумий майдони 51 миллион квадрат метрга тенг бўлади. Дубай амири шайх Муҳаммад бин Рашид ал-Мактумниг фикрича, мазкур лойиҳа амирликнинг «минтақадаги етакчи озиқ-овқат саноати маркази» сифатидаги мавқеини оширади.

Дубай озиқ-овқат парки қулай жойда жойлашган бўлиб, маҳсулотларни бир вақтнинг ўзида денгиз, ҳаво ва қуруқлик транспорти орқали олиб келиш ва олиб кетиш мумкин бўлади.

Қурилиш ишлари якунига етганидан сўнг, Dubai Food Park мажмуаси нисбатан каттароқ лойиҳа — Dubai Wholesale City’нинг бир қисмига айланади.