Пхеньян Вашингтонни КХДРга нисбатан куч ишлатишдан ўзини тийишга чақиради. Бу ҳақда Корея марказий телеграф агентлигининг «Нодон синмун» газетасида эълон қилинган шарҳида маълум қилинди, дея хабар беради «ТАСС».
«АҚШ тақдири Вашингтон КХДРни батараф этишнинг ҳарбий вариантини амалда татбиқ этишга киришганидан фожиага юз тутади. Вашингтоннинг ядро қуроли билан ўйнашиши АҚШнинг қитъадаги қисми култепага айланишига олиб келиши мумкин», — дейилади агентлик шарҳида.
Шарҳ муаллифлари Шимолий Корея томонидан 4 июль куни Хвасон-14 қитъалараро баллистик ракетаси учирилганидан сўнг АҚШ маъмурияти, жумладан, президент Дональд Трамп баёнотларида дағдаға кучайганига эътибор қаратди.
Синовдан сўнг БМТ Хавфсизлик кенгашида ўтказилган шошилинч йиғилишда АҚШнинг доимий вакили Никки Хейли ҳам Пхеньянга ҳарбий куч ишлатиш билан таҳдид қилганди.
Изоҳ (0)