Ўзбекистонда тарқатиш тавсия этилмайдиган хорижий фильмлар рўйхатидан 225 та картина ўрин олган. Бу ҳақда «Газета.uz» хабар бермоқда.
Интеллектуал мулк агентлиги матбуот хизматининг маълум қилишича, Ахборот ва оммавий коммуникация соҳасида эксперт комиссияси Ўзбекистонга олиб кириш, нусха кўчириш ва тарқатиш тавсия этилмайдиган хорижий фильмлар рўйхатини тасдиқлаган.
Рўйхатдан сюжетида зўравонлик, шафқатсизлик, ваҳшийлик, беҳаёлик, наркотик ва психотроп моддалар, алкоголь ва тамаки маҳсулотлари истеъмолини, шунингдек ахлоқий бузуқлик, енгилтабиатлик, шаҳвоний нафсга эрк бериш, бесоқолбозлик, свингерликни тарғиб қилувчи саҳналар бўлган 225 та хорижий кинофильм ўрин олган.
Рўйхатдан «Лаънат», «Астрал», «Жуда қўрқинчли кино», «Арра», «Тепаликларнинг кўзлари бор», «Ёвузлик маскани» ва бошқа фильм ҳамда сериаллар ўрин олган (тўлиқ рўйхат рус тилида берилган).
Изоҳ (0)