Vanity Fair журнали Лола Каримова-Тиллаева ва унинг The Harmonist бренди ҳақида мақола чоп этди. Бу ҳақда Лола-Каримова Тиллаева ўзининг Facebook’даги саҳифасида маълум қилди.
Янги The Harmonist Maison de Parfum атирлар уйи Инь ва Ян уйғунлиги фалсафасига таянади. «Атир ҳақида гап кетганда, маълум ифор барчага ҳам бирдек тўғри келавермаслигини яхши биламиз. The Harmonist’ни яратишда Фен-шуй таълимотидан илҳомландим», – дейди бренд асосчиси ва ифорлар уйғунлиги концепцияси муаллифи Лола Каримова-Тилляева.
Ушбу бренд атирлари беш унсур: тупроқ, маъдан, сув, ёғоч ва оловни ифода этади.
- тупроқ: жамият билан ҳамнафасликка ёрдам беради;
- маъдан: истеъдодни юзага чиқаради;
- сув: фаровонлик келтиради;
- ёғоч: юксак мақом ва мафтункорлик бахш этади;
- олов: донолик сари бошлайди.
«Гийом билан ҳамкорликдан кўнглим тўлди. У ҳақиқий профессионал сифатида менинг ижодий ғоя ва қарашларимни рўёбга чиқара олди», – дейди у.
Лола Каримова-Тилляева чинакам уйғунликни гўзаллик калити деб билади ва тўғри танланган ифор инсоннинг орзу-истаклари рўёбига ёрдам беришига ишонади.
Изоҳ (0)