Тожикистонлик қиз «Коинот табассуми—2017» танловининг ғолибига айланиши мумкин

Тожикистоннинг Қайроққум шаҳридан бўлган Садоқат Маматқулова «Коинот табассуми—2017» интернет танловида иштирок этмоқда, деб хабар берди «News.tj».

Ушбу «Коинот табассуми» (Smile of Universe) танловида фақатгина табассумнинг чиройли эканлигига қаралади ва ғолибга 2000 доллар мукофот тапширилади.

«Сўнгги вақтларда дунёда салбий энергия — урушлар, фалокатлар шу қадар кўпайиб кетдики барча тарафдан ёпирилмоқда. Лойиҳанинг асосий мақсади — бутун коинотда тинчликни тарғиб қилиш. Келинглар кўпроқ табассум қилайлик», — дейди Smile of Universe танловининг директори ҳамда продюсери Леонид Хромов.

Танловда яшаш жойидан қатъи назар 18 ёшдан катта бўлган барча хотин-қизлар қатнашиши мумкин. Бўйи, оғирлиги, оилавий аҳволининг ҳеч қандай аҳамияти йўқ.

МДҲ давлатларидан бўлган иштирокчиларнинг анкетаси июль ойининг охирига қадар қабул қилинади.