Биз сиз учун спорт залига боришдан олдин қандай косметика воситаларидан фойдаланиш кераклиги тўғрисида бир неча маслаҳатлар тўпладик.
Машғулотдан олдин терини тозаловчи ва тетиклантирувчи воситалардан фойдаланинг
Спорт залига боришдан олдин кундузги макияж қолдиқларини албатта олиб ташлаш, юз терисини тозалаш, тетиклантирувчи тоник билан артиш ва енгил намлантирувчи ёки витаминли зардоб суриб қўйиш керак. Кейин енгил тонал асос ёки консилер сурсангиз бўлади. Шундай қилсангиз ҳуснбузарлар пайдо бўлишининг олдини олган бўласиз.
Машғулот вақтида ўзингиз билан термал сув олинг
Машқ қилиш пайтида юзингиз тоза ва соғлом кўриниши учун ўзингиз билан термал сув олинг. У юз терисини бир онда тетиклаштиради ва намлантиради.
Машғулот пайтида лабларингиз учун бальзамдан фойдаланинг
Машқларни бажариш пайтида лаблар жуда қуриб қолади, шунинг учун намлантирувчи ва озиқлантирувчи балзамлардан фойдаланинг. Таркибида озиқлантирувчи ва тикловчи моддалари бўлган ва ажинлар пайдо бўлишининг олдини олувчи гигиеник лаб бўёқларини танланг.
Машғулотлар пайтида упадан воз кечинг
Упа тери тешикчаларини ёпиб қўяди ва бундан ташқари машқ бажариш шароитида тери устида узоқ вақт тура олмайди. Шунинг учун уни юз терисига суришнинг фойдаси йўқ. Косметологларнинг таъкидлашича, камида иккита хусусиятга эга бўлган – юқори даражада барқарор ва тери тешикчаларини ёпиб қўймайдиган косметик воситаларни танлаш мақсадга мувофиқ бўлар эди.
Киприклар учун сувга чидамли туш танланг
Машғулот пайтида ёйилиб кетмаслиги учун бир қатлам қилиб суриладиган сувда эримайдиган сифатли туш танланг.
Манба: «Whealth.ru»
Изоҳ (0)