Макияж қилишда ёзги косметика кўпроқ намлантирадиган ва юз терисини тортмайдиган, тушиб, бўялиб ва оқиб кетмайдиган бўлиши керак.
Бўёвчи ва парваришловчи воситаларнинг SPF-омиллари юқори бўлганларини танланг
Ёзда қуёш бизни ҳамма жойда таъқиб қилади. Шунинг учун юз терисини қизаришдан, пўсти тушишидан, ажинлардан ва пигмент доғларидан SPF-омилли воситаларни суриш ёрдамида кўпроқ ҳимоя қилишимиз керак.
Енгил тонал асосдан фойдаланинг
Ёзги мавсумда яхшиси енгил текстурали BB ёки CC кремларни танлаганингиз маъқул. Улар нафақат юз рангини текислайди, балки тери тешикчаларини ҳам бекитиб ташламайди. Бу айниқса ёзги давр учун жуда муҳим. Шунингдек, косметологлар айниқса ёзда тери учун зарур бўлган намлантирувчи тонал асосларни танлашни тавсия қилишади.
Лабларни намланг
Ёзда нафақат юз териси, балки лаблар ҳам қуриб қолади ва парваришни талаб қилади. Айнан уларда ёғ безлари бўлмайди, терламайди ва шунинг учун тез қуриб қолади. Яхшиси ёзда лаблар учун ялтиратувчи воситаларни ёки SPF-омилли намлантирувчи бальзамни танлаганингиз маъқул.
Сувга чидамли туш танланг
Ёзда кўпинча сув ҳавзаларида чўмилишга тўғри келади. Шунинг учун сувга чидамли тушлардан фойдаланишни тавсия қиламиз.
Суюқ подводкалардан воз кечинг
Қуёш нурлари таъсирида ёки терлаш оқибатида ҳар қандай сифатли восита ҳам оқиб тушиши ва бўялиб кетиши мумкин. Шунинг учун вақтинча суюқ подводкалардан воз кечинг ёки кремли подводкалардан фойдаланинг, шундагина чизиқлар ихчам ва тўғри чиқади.
Манба: «Woman.ru»
Изоҳ (0)