Тантанали кечалар учун 7 хил ноодатий маникюр (фото)

Тўйлар ва бошқа тантаналарга тайёрланишда қандай либос кийиш ва сочни қандай турмаклашдан ташқари, тирноққа қандай шакл ва безак бериш ҳам қизлар учун долзарб муаммога айланади. Биз бу борада сизга баъзи ғояларни тақдим этмоқчимиз.

Геометрик шакллар

2017 йилда маникюрда ноодатий чизиқлар ва нуқталар оммабоплик чўққисида. Агар сиз минималистик маникюрни севсангиз, у ҳолда геометрик шаклларни танланг.

Симли маникюр

Бундай маникюрда тирноқларда ингичка симлар ёрдамида безак берилади. Бўёқ устидан турли шаклга келтирилган симларни ёпиштириш, шунингдек, бундай симлардан узукчалар ясаб, бармоқларга ҳам тақиш мумкин.

Жонли гуллар

Либосингиз латиф кўринишга эга бўлса, бундай маникюр айни мос тушади. Ушбу ноодатий маникюр дизайнида ҳақиқий гуллар қўлланилади.

Aбстракция

Агар сиз табиатан ижодий одам бўлсангиз, санъатга қизиқсангиз, у ҳолда абстракция кўринишидаги маникюрни танлашни маслаҳат берамиз.

Пушти кварц

Маникюрда 2017 йилнинг энг оммабоп трендларидан бири тирноққа пушти кварц кўринишида безак берилишидир. Бундай маникюр ҳар қандай либос билан мос тушади.

Юлдузли маникюр

Юлдуздан ҳам ёрқинроқ кўринмоқчи бўлганлар мана шундай маникюрдан фойдаланиши мумкин.

Омбре маникюр

Нейл-артларни ёқтирмасангиз, аммо бир тусли рангларни хуш кўрсангиз, у ҳолда омбре маникюрни қўллаб кўришни тавсия этамиз. Бир рангдан иккинчи рангга силлиқлик билан ўтиладиган ушбу бўяш тури ҳам ҳар қандай услубдаги қиёфага мос тушади.

Манба: «Lady.tochka.net»