«Кўзгудаги чаноқ»: Франциядаги ташландиқ сарой рассом томонидан санъат асарига айлантирилди

Испаниялик рассом Окуда Сан Мигел Франциядаги XIX асрга оид ташландиқ саройни арт-объектга айлантирди, дея хабар бермоқда TJournal.

Рассом дастлаб саройнинг олд қисмини турли рангдаги «нўхатчалар»га тўлдирди, сўнг унинг икки қанотига бир хилда бош чаноқлари суратини туширди. Эътиборли томони, саройнинг деразалари бу чаноқлар учун кўз вазифасини ўтади.

Сарой янги қиёфа касб этишидан қарийб 30 йил аввал эгасиз қолган. Хабар беришларича, ундан охирги марта болалар оромгоҳи сифатида фойдаланилган.

2012 йили бино ҳудудий маъмурият томонидан сотиб олинган бўлиб, шундан сўнг Urban Art Paris’ Label Valette кўча санъати фестивалини ўтказиш майдончасига айланган.

https://www.instagram.com/p/BWM839vBniE/

Окуда Сан Мигел 2017 йилги фестивалнинг меҳмонларидан бири эди.