“Ko‘zgudagi chanoq”: Fransiyadagi tashlandiq saroy rassom tomonidan san’at asariga aylantirildi

Ispaniyalik rassom Okuda San Migel Fransiyadagi XIX asrga oid tashlandiq saroyni art-obyektga aylantirdi, deya xabar bermoqda TJournal.

Rassom dastlab saroyning old qismini turli rangdagi “no‘xatchalar”ga to‘ldirdi, so‘ng uning ikki qanotiga bir xilda bosh chanoqlari suratini tushirdi. E’tiborli tomoni, saroyning derazalari bu chanoqlar uchun ko‘z vazifasini o‘tadi.

Saroy yangi qiyofa kasb etishidan qariyb 30 yil avval egasiz qolgan. Xabar berishlaricha, undan oxirgi marta bolalar oromgohi sifatida foydalanilgan.

2012-yili bino hududiy ma’muriyat tomonidan sotib olingan bo‘lib, shundan so‘ng Urban Art Paris’ Label Valette ko‘cha san’ati festivalini o‘tkazish maydonchasiga aylangan.

https://www.instagram.com/p/BWM839vBniE/

Okuda San Migel 2017-yilgi festivalning mehmonlaridan biri edi.