WikiLeaks ўтган ҳафта чоп этган ҳужжатлар АҚШ махсус хизмати рақамли қурилмаларнинг дастурий таъминотини ўз назоратига олиш ва уларни кутилмаган функсионал амалларни бажаришига сабаб бўлувчи зарарли дастурлардан фаол равишда фойдаланаётганини тасдиқлади, деб хабар берди «Ведомости».
МРБ томонидан ишлаб чиқарилган «Йиғлаётган фаришта» вируси смарт-телевизорларни яширин микрофонга айлантириб қўяди. Ушбу дастур билан зарарланган қурилмага ўчиқ турган бўлишига қарамай, суҳбатлани ёзиб олиб МРБ серверларига интернет орқали жўнатаётган бўлади.
2014 йилда МРБ замонавий енгил автомобиллар ва юк машиналаринининг бошқарув тизимини вирус билан зарарлаб масофадан туриб назоратни қўлга киритиш имкониятини ўрганган. Бу операция МРБга машинанинг тўлиқ ҳаракатини, ичидаги инсонларнинг суҳбатларини ёзиб олиш имкониятини берган бўларди.
МРБ томонидан машҳур смартфонларни бузиб киришнинг бир нечта усуллари ишлаб чиқилган бўлиб, бу орқали улар фойдаланувчининг манзилини билиб олиши, овозли ҳамда матнли хабарларини ўқиш, шунингдек, смартфон камераси ҳамда микрофонини ёқиши мумкин.
iPhone’нинг смартфонлар бозоридаги кичик улушига қарамай (2016 йилда 14,5 фоиз) МРБда iOS қурилмасини, масалан iPad’ни қўлга олиш имкони берувчи вирусларни ишлаб чиқариш устида ишлайдиган бўлим бор. Бунга сабаб Apple маҳсулотларидан кўпроқ элита қатламнинг фойдаланиши.
МРБ арсенали WhatsApp, Signal, Telegram, Weibo, Confide ва Cloakman’ларнинг операцион тизимини бузиб аудио ва матнли хабарлар шифрлангунига қадар уларни ўқиш имкони беради.
МРБ Windows, Mac OS, Solaris, Linux ва бошқа тизимларда ишлай оладиган автоматик мультиплатформа тизимини яратган бўлиб, у қурилмани зарарлаши ва унинг устидан ўз назоратини ўрнатиши мумкин.
Изоҳ (0)