Apple, Samsung ва Microsoft маҳсулотлари таъмирлаш имконияти энг кам қурилмалар бўлиб чиқди. Greenpeace ташкилоти iFixit билан ҳамкорликда ўтказган тадқиқот натижалари шундан далолат бермоқда, дея хабар беради «ТАСС».
Таъмирга яроқлилик кўрсаткичининг пастлиги гаджетларнинг аккумулятор каби қисмларини утилизация қилиш жараёнини қийинлаштиради. Бу эса электрон чиқиндилар кўпайишига олиб келади.
Тадқиқотлар давомида Greenpeace ва iFixit 17 IT-компаниялар, жумладан, Apple, Dell, Fairphone, Samsung ва Microsoft томонидан ишлаб чиқарилган қурилмаларнинг 40 дан ортиқ моделини ўрганиб чиқди (улар орасида Samsung Galaxy S8 ва Apple Retina MacBook ҳам бор). Мазкур қурилмалар батареяларини олиш ё ўта қийин ёки дизайннинг хусусиятлари туфайли умуман иложи йўқ.
«Бу гаджетлар хизмат муддати қисқаришига олиб келади ва улар навбатдаги электрон чиқиндига айланади. Apple, Samsung ва Microsoft компанияларининг фойдаланувчи таъмирлаши ўта мушкул бўлган маҳсулотлари сони сезиларли даражада ошиб бормоқда», — таъкидлади Greenpeace АҚШ бўлими IT-сектори таҳлилчиси Гэри Кук.
Изоҳ (0)