Тармоқда норасмий хабарлар тарқалганида энг ишончли манбалардан бири бўлиб хизмат қилувчи @OnLeaks блогида iPhone 8’нинг видеоси пайдо бўлди, деб хабар берди «Hi-tech.mail.ru».
Тармоқдаги видеодан кўриш мумкинки қурилманинг ҳеч қандай янги жиҳати йўқ. Бироқ уни кўргач, дарҳол iPhone 8’ни сотиб олгингиз келади.
Видео сўнггида iPhone 8 ҳар бир томони ўлчаб кўрилган, унга кўра қурилманинг томонлари: 143,5 х 71 х 7,5 миллиметр. Бундан янги флагман iPhone 7’га нисбатан (138,3 х 67,1 х 7,1 миллимтер) бироз каттароқ, бироқ iPhone 7 Plus’дан (158,2 х 77,9 х 7,3 миллиметр) кичикроқ эканлиги келиб чиқади.
Миш-мишларга кўра, iPhone 8 5,8 дюймли диспей билан жиҳозланиши, шунингдек, Home тугмачаси бўлмаганлиги сабаб бармоқ изи сканери экран ичига жойлаштирилиши мумкин.
Умуман олганда iPhone 8 шунчаки янги флагман эмас, балки ўз смартфонларини анчадан бери тубдан янгиламаган Apple учун янги босқич бўладиган кўринади. Биринчи ишлаб чиқарилган iPhone’га ўн йил тўлиши муносабати ҳам яхшигина сабаб бўлиб хизмат қилиши мумкин.
Изоҳ (0)