Юраги кўчириб ўтказилган қиз туғуруқдан бир неча соат ўтгач вафот этди

Меган Жонсон қиз фарзандини дунёга келтиргач, унинг турмуш ўртоғи чақалоқнинг дунёга келганидан хурсанд бўлиб ижтимоий тармоқларга сурат жойлаштирди. Туғуруқдан бир неча йил олдин Меганга юрак етишмовчилиги ташхиси қўйилган эди. Унга бошқа бир юрак кўчириб ўтказилиб, яшаши учун яна бир имконият берилганди. Меганнинг турмуш ўртоғи Натаннинг айтишича, унинг юраги туғуруқ вақтида яхши ишлаган, қизи Эйли Кейт эса тез туғилган. «Мен бой инсонман!», — деб ёзган эди Натан Instagram’га. Бу ҳақда Forum Daily хабар берди.

Кейинги олти соат давомида жуфтлик чақалоқдан нари кетмаган. «Улар шу даражада ҳаяжонда эдики, ҳатто ухлай олишмади, шунинг учун вақтни чақалоқнинг ёнида ўтказишди ва бутун тонг давомида гаплашиб чиқишди», — дейди Натанининг дўсти Жош Уилсон.

Шундан сўнг Жонсон сўна бошлади ва соат 11 да ҳаётдан кўз юмди, деб ёзади Уилсон GoFundMe’даги саҳифасига.

«Албатта Натаннинг дили вайрон бўлди. Айтадиган сўз бўлмагани учун, мен кўп гапирмайман. Менинг билганим Натан — ажойиб инсон ва ажойиб ота. У ўз қизини жуда яхши кўради».

Уилсоннинг айтишича, Натан Жонсон қизини уйга олиб кетган, ҳозирда у оила аъзолари ва яқинларининг қуршовида. Уилсоннинг The Washington Post’га сўзлашича, у GoFundMe платформасидан саҳифа очиб, шу кунгача 400 минг доллар йиғиб қўйган.

Ҳозирча Меган Жонсоннинг ўлимига нима сабаб бўлгани номаълум.

Америка кардиологлари ассоцациясининг огоҳлантиришича, юрак трансплантациясини амалга оширган аёлларда ҳомиладорлик вақтида асоратлар пайдо бўлиши мумкин.

Жонсон 2002 йилда 15 ёшли қизалоқ эди. У ўзининг чидамлилигини йўқотгунига қадар баскетбол, волейбол ва футбол ўйнаб турган.

«Мен яқиндагина баскетбол мавсумини якунладим, бироқ мен зинадан ҳансирамасдан чиқа олмайман. Мен югура олмайман», — деган эди Меган 2011 йилда.

Жонсон юрак етишмовчилигига олиб келадиган вирус билан зарарланган бўлиб, унга миокардит ташхиси қўйилган. Орадан етти йил ўтиб асоратлар қайтди.

2010 йилда 23 ёшли Меганга Сент-Луисдаги Barnes-Jewish Hospital шифохонасида юрак кўчириб ўтказилган эди. Орадан бир йил ўтиб у турмушга чиқди ва Нешвиллга кўчиб кетди.

Жонсон кўп йиллар давомида доим органларни ҳадя этиш борасида гапирган. Бу ҳақда у ўзининг блогида ёзган ва маҳаллий ОАВда чиқиш қилган.

Уилсоннинг The Post’га айтишича, Жонсоннинг органларидан 50 дан ортиқ одам фойдаланади.