Сурия президенти Башар Асаднинг тасвири биринчи бор Сурия банкноталарида пайдо бўлди. Амалдаги мамлакат раҳбарининг сурати 2 минг фунт номиналга эга банкнотада тасвирланган, деб хабар берди Reuters.
Банкнота 2 июль, якшанба куни Сурия марказий банки раҳбари Дурайд Дургам томонидан тақдим этилди ва шу куннинг ўзидаёқ муомалага чиқарилди. Унинг сўзларига кўра, банкнота тиражи бир неча йил олдин босмадан чиқарилган, бироқ уруш ва айрибошлаш курсларининг тебранишлари сабаб муомалага киритилмаган.
Янги банкнота, тахминан, 4 АҚШ доллари қийматига тенг. Бунга қадар Суриядаги энг катта банкнота 1000 фунт эди. Унда Асаднинг отаси, Ҳофиз ал-Асад тасвирлаган.
Янги банкнота Дамашқ ва бир қатор вилоятларда муомалага чиқарилди.
Изоҳ (0)