АҚШ президенти Дональд Трамп Саудия Арабистони, БАА ва Қатар етакчилари билан телефон орқали мулоқотда бўлди. Бу ҳақда Оқ уй матбуот хизмати маълум қилди, дея хабар беради «Газета.ru».
Трамп араб давлатлари раҳбарлари билан суҳбатда Қатар атрофидаги вазиятдан хавотир билдирди. У, шунингдек, террорчиликни молиялаштиришни тўхтатиш зарурлигини билдирди.
«Президент Ар-Риёддаги саммит чоғида қўйилган террорчилик устидан ғалаба ва минтақада барқарорликни таъминлаш бўйича вазифаларни уддалаш учун минтақада бирдамлик ўта муҳим эканлигини таъкидлади», — дейилади матбуот хизмати хабарида.
Эслатиб ўтамиз, олдинроқ Трамп араб давлатларини яраштирадиган саммит чақиришни режалаштираётгани маълум қилинганди.
Изоҳ (0)