Канада, Буюк Британия ва германиялик олимларининг биринчи кенг кўламли Европа тадқиқоти натижаси неоникотиноидлар асалариларнинг популяциясига салбий таъсир қилишини тасдиқлади. Иккита тегишли иш Science журналида чоп этилди.

Олимлар биринчи тадқиқот доирасида неоникотиноидлар билан қайта ишланган, ёғли ўсимликлар ўсадиган ҳудудларда яшовчи уч турдаги асалариларни кузатди. Аниқланишича, ҳашаротлар популяцияси Венгрия ва Буюк Британияда кескин пасайган, бироқ Германияда эмас. Учала давлатда ҳам асалариларнинг репродуктив имкониятларининг пасайиши кузатилган.

Иккинчи тадқиқот вақтида эса олимлар инсектицидлар билан қайта ишланган маккажўхори майдонларидаги Канада асалариларини ўрганишди. Аниқланишича, асалариларнинг ушбу ҳудудда ўртача ишлаш ёши нормадан паст бўлган, шунингдек, оилада қироличалари сони қисқарган.

Олимлар майдони икки минг гектарга тенг бўлган ҳудудларда яшайдиган ёки жойлашган асалариларни кузатишган. Экспертларнинг таъкидлашича, асаларилар сонининг деградациясига бир нечта омиллар, жумладан, неоникотиноидлардан фойдаланиш ҳам сабаб бўлмоқди. Тадқиқот инсектицидлар ишлаб чиқариш билан шуғулланувчи компаниялар томонидан молиялаштирилган, бироқ унинг натижаларини мустақил экспертлар томонидан ишланган.

Асаларилар биринчи навбатда ўсимликларни чанглантириш учун керак. Турли ҳисоб-китобларга кўра, ушбу ҳашаротлар АҚШ қишлоқ хўжалигининг чорак қисмини чанглатади. Мамлакатдаги бозорнинг тегишли хизмати йилига 10—15 миллиард долларга баҳоланади.

Асалариларнинг қирилиб кетаётганига Varroa destructor паразит-канасининг тарқалишига олиб келаётган ҳашаротларнинг халқаро савдоси ҳам сабаб қилиб кўрсатилмоқда.