«Ўзбекнефтгаз» компанияси аҳолига етказиб бериладиган табиий газ тарифлари 15 июлдан оширилишини маълум қилди. Янги нархлар Молия вазирлиги томонидан 29 июнь куни тасдиқланган.
Келаси ойдан бошлаб, газ ҳисоблагичи бўлган тақдирда, 10 кубометр табиий газ қиймати 2634 сўмни ташкил этади (ҳозирда — 2461,2 сўм; нарх ўсиши — 7 фоиз).
Ҳисоблагич бўлмаган тақдирда, таом тайёрлаш ва иссиқ сув таъминоти учун фойдаланиладиган газнинг 10 кубометри қиймати 4555,9 сўмни (ҳозир — 4225,9 сўм; ўсиш — 7,8 фоиз), иситиш учун эса 2112,45 сўмни (ҳозир 1973,7 сўм; ўсиш — 7 фоиз)ни ташкил этади.
Тарифларнинг тўлиқ рўйхати билан бу ерда танишиш мумкин.
«Газета.uz»нинг ёдга солишича, газ ва бошқа коммунал хизматларнинг тарифлари сўнгги бор 2016 йил октябрь ойида оширилган эди.
Изоҳ (0)