Donald Tramp AQSh Oliy sudining immigratsiya bo‘yicha farmon qator bandlariga qo‘yilgan taqiqni bekor qilishga ruxsat berganini “sof g‘alaba” deb atadi. Bu haqda “Gazeta.ru” xabar bermoqda.
“Oliy sud yakdillik bilan chiqargan qaror milliy xavfsizligimizning sof g‘alabasidir. Bu qaror menga mamlakat mudofaasi uchun muhim bo‘lgan quroldan foydalanish imkoniyatini beradi”, — dedi AQSh prezidenti.
Mazkur qaror Donald Trampga mamlakatga 6 mamlakatdan (Eron, Yaman, Liviya, Suriya, Somali va Sudan) muhojirlar va qochqinlar kirishini qisman taqiqlashga ruxsat beradi.
Sud hukmiga ko‘ra, u yoki bu guruhlarning mamlakatga kirishini cheklangan hajmda taqiqlash AQSh fuqarolarining manfaatlariga ta’sir ko‘rsatmaydi, shu bois bunday taqiq prezident tomonidan joriy etilishi mumkin. Faqatgina AQSh fuqarolari bilan u yoki bu munosabatda bo‘lgan guruhlar ushbu taqiqdan istisno qilinadi.
Sud tomonidan Tramp ilgari surayotgan qonun loyihasining ma’qullanishi vaqtinchalik kuchga ega — ish oktabr oyida to‘liq ko‘rib chiqiladi, unga qadar esa sud qarori amal qiladi.
Izoh (0)