Facebook ижтимоий тармоғи сериаллар ишлаб чиқаришни режалаштирмоқда. Бу ҳақда, The Wall Street Journal нашрига таяниб, «Газета.ru» хабар бермоқда.
Айтилишича, айни пайтда компания Голливуд студиялари ва телевизон шоу ишлаб чиқарувчи агентликлар билан музокаралар олиб бормоқда. Ёзнинг охирига қадар оригинал маҳсулотлар чиқарилиши кутилмоқда.
Маълумотларга қараганда, ижтимоий тармоқ битта серияни ишлашга 3 миллион доллар сарфлашга тайёр — бу кабель телевидениесидаги энг қимматбаҳо шоуларнинг нархига тенгдир. Бундан ташқари, компания арзонроқ шоулар ишлашни режалаштирмоқда.
Айтилишича, Facebook мутасаддилари кичик форматга қизиқмоқда. Шу тариқа, ҳар бир серия 10 дақиқа атрофида бўлиши мумкин.
Изоҳ (0)