Леонардо Ди Каприо унга совға қилинган «Оскар» ҳайкалчасини Малайзия давлат инвестиция фондидаги ўғриликларни текшираётган АҚШ ҳуқуқ-тартибот идораларига тақдим этди. Бу ҳақда «РИА Новости» хабар бермоқда.
АҚШ адлия вазирлиги 2016 йилда Red Granite Pictures продюсерлик компаниясини фонддан ўмарилган маблағларни «Уолл-стрит бўриси» фильмини молиялаштириш учун жалб этишда айблади.
Ди Каприога картинада иштирок этгани учун продюсерлар 1954 йилда афсонавий актёр Марлон Брандо қўлга киритган ҳайкалчани совға қилганди.
Актёрнинг вакиллари Ди Каприо хайрия аукциони ташкил этиш учун ҳадя сифатида олган бошқа буюмларни ҳам терговчиларга қайтарганини билдирди.
Изоҳ (0)