АҚШнинг Фергюсон шаҳри (Миссури штати) расмийлари полиция ходими отиб ўлдирган қора танли ўсмир Майкл Брауннинг ота-онасига 1,5 миллион доллар товон тўлайди. Бу ҳақда шаҳар прокурори Аполло Кэри маълум қилди, дея хабар беради «ТАСС».
Брауннинг ота-онаси Фергюсон расмийлари билан даъволари бўйича келишувга эришгани ҳақида 20 июнь, сешанба куни маълум бўлганди, бироқ буни маъқуллаган судья ўшанда товон суммасини айтишдан бош тортганди. У фақат пуллар ўлдирилган ўсмирнинг ота ва онаси ўртасида тенг бўлиниши билдирди.
18 ёшли Майкл Браун 2014 йил августида полициячилар талабига бўйсунишдан бош тортиб, улардан бири — Даррен Уилсон билан ёқалашиб кетганидан сўнг отиб ўлдирилганди.
Изоҳ (0)