Лондоннинг Кемден муниципал округи кенгаши Chalcots Estate кичик туманидаги 5 та кўп қаватли уй аҳолисини мазкур бинолар Grenfell Tower’даги каби материаллар билан қоплангани сабабли эвакуация қилади. Бу ҳақда кенгаш раҳбари Жоржия Гулд маълум қилди, дея хабар беради «ТАСС».
«Grenfell Tower’даги ёнғин барча нарсани ўзгартирди. Аҳолини асраш учун қўлимиздан келган барча ишни амалга оширамиз, чунки инсонлар хавфсизлигини таъминлаш асосий вазифамиз ҳисобланади», — деди Жоржия Гулд.
Кенгаш раҳбарига кўра, уйларнинг қопламаси ёнғин хавфсизлиги стандартларига тўғри келмайди ва ўтга чидамли эмас. Chalcots Estate туманидаги уйлардан тахминан 800 оила эвакуация қилинади.
Эвакуация қилинганлар меҳмонхоналарга, агар имкон бўлса, қариндошлари ва дўстларининг уйларига жойлаштирилади.
Изоҳ (0)