AQShning Fergyuson shahri (Missuri shtati) rasmiylari politsiya xodimi otib o‘ldirgan qora tanli o‘smir Maykl Braunning ota-onasiga 1,5 million dollar tovon to‘laydi. Bu haqda shahar prokurori Apollo Keri ma’lum qildi, deya xabar beradi “TASS”.
Braunning ota-onasi Fergyuson rasmiylari bilan da’volari bo‘yicha kelishuvga erishgani haqida 20-iyun, seshanba kuni ma’lum bo‘lgandi, biroq buni ma’qullagan sudya o‘shanda tovon summasini aytishdan bosh tortgandi. U faqat pullar o‘ldirilgan o‘smirning ota va onasi o‘rtasida teng bo‘linishi bildirdi.
18 yoshli Maykl Braun 2014-yil avgustida politsiyachilar talabiga bo‘ysunishdan bosh tortib, ulardan biri — Darren Uilson bilan yoqalashib ketganidan so‘ng otib o‘ldirilgandi.
Izoh (0)