Ўзбекистон Республикаси ташқи ишлар вазири Абдулазиз Комилов Ватиканнинг янги тайинланган Фавқулодда ва мухтор элчиси Челестино Мильорени (қароргоҳи Москва шаҳрида) қабул қилди. Бу ҳақда ТИВ матбуот хизмати хабар бермоқда.
Вазир ишонч ёрлиқларини қабул қилди ва элчини Ўзбекистонда ўз дипломатик миссисиясини бошлагани билан табриклади.
Қисқа маросимдан сўнг бўлиб ўтган суҳбат давомида икки томонлама ҳамкорликнинг, жумладан динлараро мулоқот доирасидаги алоқаларнинг ҳолати ва истиқболлари кўриб чиқилди.
Учрашувда таъкидланганидек, Ўзбекистон ва Ватикан ўртасида дипломатик алоқалар ўрнатилганидан сўнг 25 йил мобайнида турли миллатлар ва дин вакиллари ўртасида дўстлик ва ўзаро бирдамликни мустаҳкамлашга қаратилган шерикликнинг ижобий тажрибаси орттирилди.
Суҳбат чоғида томонларни қизиқтирган бошқа масалалар ҳам муҳокама қилинди.
Изоҳ (0)