Ўзбекистон Республикаси Ташқи ишлар вазирлиги консуллик бошқармаси ва Қозоғистондаги элчихонаси томонидан Оқмўладаги йўл-транспорт ҳодисаси қурбонлари шахсини аниқлаш, жароҳат олганларга зарур ёрдам кўрсатиш чоралари кўрилмоқда. Бу ҳақда Ўзбекистон ТИВ матбуот хизмати хабар бермоқда.
Эслатиб ўтамиз, бугун, 22 июнь куни Қозоғистоннинг Оқмўла вилояти ҳудудида Волгограддан (Россия) Чимкентга кетаётган автобус ағдарилиб тушди. ЙТҲ оқибатида 9 нафар Ўзбекистон фуқароси ҳалок бўлди, 17 нафари жароҳат олди.
Икки қаватли Mercedes автобусида жами 50 нафар Ўзбекистон фуқароси бўлган.
Изоҳ (0)