Сувчечак билан оғриган боланинг қўлига ёки бошқа жойларига бехосдан тўкилиб кетган кўкдори («зелёнка») изини қандай кетказиш мумкин? Бу саволни кўпчилик бундай ёрқин ва кўзга ташланувчи доғлардан қутулишни хоҳлаган кишилар беришади.
Кўкдори изини юз ва қўл терисидан қандай кетказиш мумкин?
Терини спирт, одеколон ёки ароққа ботирилган пахта билан артинг. Агар спиртга бир неча томчи лимон шарбати қўшилса, доғни кетказиш осон бўлади.Кўкдори изини боланинг терисидан қандай кетказиш мумкин?
Боланинг нозик ва таъсирчан терисини тозалаш учун водород пероксиди ёки хлоргексидинга ботирилган сочиқча мос келади. Бу моддалар таркибида спирт бўлган воситалардан кўра хавфсизроқдир.Сувчечакдан кейин боладаги кўкдори изини қандай кетказиш мумкин?
Сувчечакдан кейин кўкдори изини кетказишнинг энг яхши ва синалган усули – бу ёғли крем, яхшиси болалар кремидан фойдаланиш. У зарарли таъсирлар, қизариш ва аллергия чақирмайди, яхши самара беради ва совунли эритма ёрдамида ювилади. Бу амални тез-тез ва бир неча марта такрорланг.Кўкдори изини аллергияси бўлган катта ёшли кишилардан қандай кетказиш мумкин?
Терисида муаммоси бўлган катталар учун скраб, тоник ёки макияжни тозаловчи воситалардан фойдаланиш мумкин. Кўкдори доғлари бу воситалар билан бир кунда бир неча марта артилади. Улар бирдан эмас, балки аста-секинлик билан кетади.Кўкдорини қўлдан қандай кетказиш мумкин?
Теридаги кўкдори изини кетказишнинг яна бир усули – хлор (оқартирувчи). Лекин уни эҳтиёт бўлиб ишлатиш керак ва юз терисига, шунингдек аллергия бўлган ҳолларда фойдаланмаслик лозим. Қўлингиздаги доғни хлорга ботирилган мато билан артинг, кейин тезда илиқ сув билан ювинг ва крем суриб қўйинг.Манба: «Lady.tochka.net»
Изоҳ (0)