Иши жисмоний ҳаракатлар билан боғлиқ бўлган одамлар шунинг ўзи етарли деб ўйлайди ва кўпинча спорт билан шуғулланишга эътибор бермайди. Лекин ишдаги фаоллик спорт залидаги машғулотларнинг ўрнини босолмайди.
Ишда сиз ҳамма мушаклар гуруҳларини ишга тушира олмайсиз
Кўпчилик ҳолларда жисмоний меҳнат доим бир хил бўлади, яъни сиз ҳар куни бир хил вазифаларни бажарасиз. Бунда бир хил мушаклар гуруҳлари ишлайди, бошқалари эса бўшашиб қолади ва тетиклигини йўқотади.Баъзи мушакларнинг зўриқиши ва баъзиларининг бўшашиши танада мувозанатсизликни келтириб чиқаради, қоматни бузади ва таянч-ҳаракат тизимининг ҳар хил касалликларини келтириб чиқаради.
Бунинг натижасида турли хил касб касалликлари — импинджмент-синдром, орқадаги оғриқлар, бўғин касалликлари пайдо бўлади.
Спорт залида сиз мушакларнинг барча гуруҳларини ишлатадиган дастур бўйича шуғулланасиз. Сиз заиф мушакларга ҳам эътибор беришингиз, дисбалансдан қутулишингиз ва қоматингиз муаммоларини ҳам ҳал қилишингиз мумкин.
Сиз ҳаракатларнинг хавфсиз техникасини шакллантирмагансиз
Спорт залида машқлар бажариш техникаси ва одатий яшашдаги ҳаракатлар бир-бири билан узвий боғлиқ. Агар сиз штангани орқангизни эгиб кўтарсангиз, яшашда ҳам оғирликни умуртқа учун хавфли бўлган тарзда кўтарасиз.Спорт залида тренер раҳбарлигида сиз ҳаракатларнинг техникасини йўлга қўясиз, тўғри ҳаракатланишга ўрганасиз ва бу билимларни ҳаётингизга ҳам татбиқ қиласиз.
Сиз ҳаракатланишдан бундай ҳузур ололмайсиз
Иш камдан-кам ҳолларда ёқимли нарсалар билан бирга қўшилиб кетади. Бундан ташқари, ўзингизнинг танангизга эътибор ажратиш учун сизнинг вақтингиз жуда кам.Спорт залида сиз ишингиздан, оилангиздан, муаммолардан дам оласиз.
Спорт залига бориш — мияни енгиллаштириш ва танага эътибор қаратишнинг энг яхши усули.
Манба: «Лайфхакер»
Изоҳ (0)