Туркиянинг Бурса шаҳри поездларида фақат аёллар учун вагонлар пайдо бўлди

Туркиянинг Бурса шаҳрида поездларда фақат аёллар кириши мумкин бўлган вагонлар пайдо бўлди, деб ёзади «Газета.ru». Аммо бу қарорга шаҳарда истиқомат қилувчи аёлларнинг кўпчилиги салбий муносабат билдирди.

«Аёлларни алоҳида вагонларга жойлаштириш орқали жинсий зўравонликка барҳам бера олмайсиз. Аёллар ва эркаклар бу ерда бўлмаса, бошқа жойда юзма-юз келади. Сиз бунга бу йўл билан чек қўя олмайсиз», — дея норози бўлди йўловчи аёллардан бири.

40 ёшли бир эркакнинг сўзларига кўра, бундай қарорлар унчалик тўғри эмас. «Агар қизим бўлганида, у билан ўша вагонда бирга ўтира олмаган бўлармидим?» — деб сўради у.

Шунга қарамай, Бурса мэри Ражаб Алтепа қарор аёллар томонидан келиб тушган кўп сонли мурожаатларни ҳисобга олиб қабул қилинганини айтди, бундай илтимослар бир неча йиллар давомида келиб тушган.

Бурса аёллари лойиҳага қарши чиқиб, норозилик намойишларини ўтказишда давом этмоқда.