Туркияда овқатдан заҳарланиш натижасида 730 дан зиёд ҳарбий хизматчи касалхонага ётқизилди, деб ёзади «Корреспондент.net» маҳаллий ОАВларга таяниб.
Маниса туманидаги армия бўлинмаларидан бирининг ҳарбийлари 17 июнь куни тушдан кейин мазаси қочаётганидан шикоят қила бошлаган. Аскарлар бош айланиши ва кўнгил айниши белгилари билан касалхонага келтирилган. Айни пайтда уларнинг саломатлигига ҳеч нарса таҳдид солмаяпти.
Туркия прокуратураси маълумотларига кўра, заҳарланиш ҳолатини текшириш доирасида 21 киши қўлга олинган. Мутахассислар экспертиза учун ҳарбий қисмдаги сув ва бошқа материаллардан намуналар олди.
Дастлабки маълумотларга кўра, заҳарланишга инфекция сабаб бўлган бўлиши мумкин. Нашр эслатишича, Манисада май ойида ҳам 590 аскар овқатдан заҳарланиб, касалхонага тушган эди.
Изоҳ (0)