АҚШ раҳбарлигидаги коалиция 18 июнь, якшанба куни Раққа яқинида Сурия ҳарбий-ҳаво кучлари самолётини уриб туширди, деб ёзади Суриянинг SANA агентлиги.
«Бизнинг самолётимизни бугун туш пайтида Раққа шаҳри яқинида ИШИДга қарши топшириқни бажараётган вақтида уриб туширишди», — дея маълум қилди Сурия мудофаа вазирлиги.
Ҳарбий муассаса хабарига кўра, учувчининг тақдири ҳақида ҳозирча маълумотлар йўқ.
Баъзи маълумотлар бўйича, самолёт Ғарб мамлакатлари мухолифат деб атайдиган, Дамашқдагилар эса террорчилар деб ҳисоблайдиган демократик кучлар деб аталувчи қуролли гуруҳлар позицияларида «ишлаган».
Сурия ҳукумати самолётга берилган зарбани Сурия армияси ва унинг иттифоқдошлари муваффақиятлари фонида намоён қилинган ва қасддан қилинган тажовуз деб атади. «Бу хатти-ҳаракатлар шуни исботлайдики, АҚШ ва унинг коалиция бўйича шериклари террорчиларни қўллаб-қувватлайди», — дея таъкидлашди мудофаа вазирлигидагилар.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)