Андижон вилояти миқёсида ўтказилаётган кенг қамровли «Қора дори-2017» тадбири давомида Шаҳрихон туманида 21 килограмм марихуанани сотишга уринган шахс қўлга олинди. Бу ҳақда Андижон вилояти ИИБ «Дарё»га маълум қилди.
Хабар беришларича, Шаҳрихон тумани ИИБ томонидан ўтказилган тадбир натижасида шу туманда яшовчи, айни вақтда Бўз туманидаги мевали боғда ишловчи шахс 3 дона полиэтилен қопга жойлаштирилган жами оғирлиги 21 килограмм 160 грамм марихуана гиёҳванд моддасини 1 миллион сўм эвазига сотаётган вақтда ушланган.
Мазкур ҳолат юзасидан Шаҳрихон туман ИИБ ҳузуридаги Тергов департаменти томонидан Жиноят Кодексининг 273-моддаси 5-қисми («кўп миқдордаги гиёҳвандлик воситаларини сотиш») билан жиноят иши қўзғатилган.
Ҳозирда жиноят иши бўйича дастлабки тергов ҳаракатлари олиб борилмоқда.
Изоҳ (0)