Президент Шавкат Мирзиёев топшириғи асосида кам таъминланган, ногирон ва меҳнатга лаёқатлилик даражаси чекланган фуқароларни молиявий қўллаб-қувватлаш ва уларнинг иш билан бандлигини таъминлаш мақсадида барча ҳудудларда аҳолининг мазкур қатламига беғараз асосда тикув машиналари ва матолар топширилмоқда. Бу ҳақда Facebook’даги «Халқ билан мулоқот» гуруҳи саҳифасида маълум қилинди.
Жумладан, Жиззах вилоятида аҳолисининг кам таъминланган ҳамда меҳнат лаёқати чегараланган қатламини қўллаб-қувватлаш мақсадида 80 га яқин кишига тикув машиналари, ногиронлар аравачалари, эшитиш аппаратлари, ҳассалар топширилди.
Шунингдек, даволанишга бепул йўлланмалар ҳамда 150 миллион сўм миқдорида моддий ёрдам кўрсатилди.
Изоҳ (0)