Қозоғистонда расмий дилерлар томонидан жорий йилнинг беш ойи давомида умумий миқдори 130,2 миллиард тенгега (412 608 239 доллар) тенг бўлган 15707 дона автомобиль савдоси амалга оширилди, деб хабар берди «1news.uz».
Қозоғистон автомобиль бизнеси ассоциациясининг маълумотларига (АКАБ) кўра, май ойининг натижалари бўйича автомобилларнинг расмий савдоси апрель ойига нисбатан 5 фоизга ортган.
Эслатиб ўтамиз, Қозоғистон Hyundai, Toyota, Lexus, Chevrolet, Lada ва JAC каби тижорат автомобилларини экспорт қилади.
Савдо ҳажмининг асосий улуши йўлтанламасларга тўғри келмоқда. Бу йил бошидан бери расмий савдо ҳажмининг 41 фоизига (6369 дона) тенг бўлиб, 69,8 миллард тенгени ташкил этади. Иккинчи ўринда седанлар бўлиб, 1521 дона сотилган. 2017 йилнинг бошидан бери расмий дилерлар томонидан умумий миқдорда 35,03 миллиард тенгелик 6354 дона седан сотилган.
Май ойида импорт қилинган автомобиллар умумий савдо ҳажмининг 63,6 фоизини ташкил қилган. Ҳисоб-китобларга кўра, ўтган ойдаги импорт қилинган автомобиллар улуши 65,7 фоизга тенг бўлган. Қозоғистон автомобиль саноатининг улуши 36,4 фоизга кўтарилган. Май ойидаги савдо ҳисоб-китобларига кўра, Toyota аввалгидек етакчиликни сақлаб қолмоқда (814 дона сотилган). Бу натижада 2017 йилнинг апрелига нисбатан 1 фоизга кўп демакдир. Иккинчи ўринни Lada (633 дона) автомобиль маркаси, учинчи ўринни эса Ravon эгаллади (256 дона). Шунингдек, апрель ойида Hyundai, Lexus, Gaz, UAZ каби бренд автомобиллари ҳам сотилган.
Изоҳ (0)